مؤمن إبراهيم – الرجل الآلي

Lyrics & Rap & Compose: Momen Ibrahim

Music production: Mostafa Hamdy

Videography & Editing & VFX: Medhat Kouta

Location & Equipments: Spot media

اهداء خاص للشاعر أحمد حلمي عشان بقاله 6 سنين مستني التراك ينزل
..
الكلمات
بصحى واتشطف واتصرف واخرف واستظرف وادب فول
واجري واتشحتف واتأيف واتكتف واتزيف بسلفي بالطول
وادعي تتعدل والحال ده يتبدل مش هفضل متبهدل علطول
وانزل واهندل العملاء واسندل واتنيل عالبيت واكون

زي الرجل الآلى
بتحرك في حدود مجالي
متكتف محدود خيالي
خالي من أي إضافات

العمر بالنسبالي
مثال للتكرار المثالي
منتظم مش ارتجالي
خالي مالتغيرات

من بيتي للقهوة ومالقهوة للشغل ومالشغل للقهوة للبيت
من أوضتي للمطبخ للأوضة للمطبخ للاوضة بشرر زيت
مش قادر اتنفس هتمرن واخسس عشان انا كده استويت
واشترك فالچيم وماروحش واكسل واستهبل واقول نسيت

زي الرجل الآلي
بتأقلم عالوضع الحالي
ومسيطر على انفعالي
ف حالي ماشي جنب الحيط
بالنسبالي التسالي
إني ابص فسقف عالي
واحلم إني أكون إنسان من طين مش من حديد

وصحى واتشطف واتصرف واخرف واستظرف وادب فول
واجري واتشحتف واتأيف واتكتف واتزيف بسلفي بالطول
وادعي تتعدل والحال ده يتبدل مش هفضل متبهدل علطول
وانزل واهندل العملاء واسندل واتنيل عالبيت واقول

أهووووووو X8

ويوم الحب جالي
شوفت سعر الحب غالي
سيبت حبيبتي بشكل آلي
جزء من مشاعري مات

ويوم ما جيتي انتي
كان فاضلي فقلبي سنتي
لسه ماتبرمجش خونتي
ضاع السنتي بقيت جماد

برتبط وافركش واتموحن واطنش واتكرمش عالبلاط
واسهر وافكر واتأثر واتحسر واتكبر عالعياط
هتعامل بحدة واتعالج بشدة من عقدة لارتباط
واحارب واوارب ببان التجارب واتجوز جواز صالونات

وزي الرجل الآلي
هيبقى كل انشغالي
إني ازود حجم مالي
واطفي مرحلة الشباب
وارجع مالشغل ف إيدي
قبضي وبطيختي وجرنالي
وآخر اليوم احط حلمي وعمري ف الدولاب

وصحى واتشطف واتصرف واخرف واستظرف وادب فول
واجري واتشحتف واتأيف واتكتف واتزيف بسلفي بالطول
وادعي تتعدل والحال ده يتبدل مش هفضل متبهدل علطول
وانزل واهندل العملاء واسندل واتنيل عالبيت واقول

أهووووووو X8